جرى أيه يا أخونا مش برضه أنتو مصريين برضه

جرى أيه يا أخونا مش برضه أنتو مصريين برضه

خير اللهم أجعله خير كدة لقيت الخبر ده على موقع جريدة اليوم السائع عفواً اليوم السابع اشتباكات بين نواب الإخوان والوطنى.."القصاص" و"حميدة" و"أبو عقرب" يطالبون بإطلاق النار على المتظاهرين ، ييعنى الواحد مش عارف يلاقيها منين ولّا منين. من اللى أيديهم ملطخة بدماء ضحايا العبارة( بتوع الوطنى اللى طرمخوا على مناقشة تقرير لجنة المواصلات فى حادثة العبارة) ولّا من الاخ المحترم اللى ساعد فى حرق حزب الغد والمساعد بتاعه اللى كان بيمنع الراجل بتاع المطافى.حقيقى مش ممكن...ما علينا أهه من حكم القضاء والقدر علينا أن بلدنا يبقى فيها ناس …..( أنا مش هشتم علشان أنا متربى) زى دول ، وبعدين بأى عقل واحد مصرى يطلب أنه يتم إطلاق الرصاص على متظاهرين سلميين "مصريين" ، طب يعنى هم الاخوة اعضاء المجلس الموقر دول مصريين ولّا هم أعداء المصريين...؟؟؟؟؟

كدة برضه يا مصر

كدة برضه يا مصر

بقى كدة ينفع برضه يا مصر، ولادك زين شباب الدنيا يجرى فيهم كدة...؟؟ كل ده علشان بيحبوكى وعايزينك تبقى أحسن بلد فى الدنيا..؟؟

كل الللى طلبوه هو القانون يتنفذ وما يبقاش فى تزوير إنتخابات والدستور يتعدل ويبقى أحسن دستور فى الدنيا وأن بلدهم تتقدم وتبقى حسن بلد فى الدنيا.

ده لا هو عيب ولا حرام ولا كفر ،ده صح وكمان صح الصح إننا نبقى أحسن بلد فى الدنيا.

أمال ليه بيحصل ليهم كدة..؟؟علشان مين..؟؟؟ بقى مصلحة مصر أن ولادها يتهانوا كدة ويتظلموا كدة...؟؟بقى معقولة فى حد مصدق نفسه أنه بكدة بيحمى مصر..؟؟؟

أنا عارف أن فى ناس كتير هتقرا الكلام ومنهم فى الشرطة أو فى أمن الدولة،بس السؤال وهو موجه ليهم ؛ بقى معقولة أنتم مصدقين أنكم كدة بتحموا مصر...؟؟؟ بتحموها من ولادها اللى عايزين يفدوها بأرواحهم..؟؟؟؟؟؟؟؟؟؟؟؟؟؟؟؟؟؟؟؟؟؟ مين قال ...؟؟؟؟ ماشى الشرطة نظام عسكرى وفيه تنفيذ أوامر بس معقولة الاوامر تكون لبهدلة اللى بيحبوا البلد...؟؟؟؟؟؟ طب لمصلحة مين كدة ومين قال أن المطالبة بالديموقراطية فى "جمهورية مصر العربية" ،حاجة ضد القانون ….؟؟؟؟

ماكانش العشم يامصر....حقيقى حقيقى ماكانش العشم يا بلدى

https://blogger.googleusercontent.com/img/b/R29vZ2xl/AVvXsEjdxOX4PM7RY80X8E4GIFENkWvA25RrVpmnEy48NrBt4qe6YBC93aLo7pIaEzQq6A_jRMgvZVpHdzKa66LFMlEwBjd9HG0ltVQsdV07h1aTVXcXB_KUUD5j0NVrQVaGL7hPuNAfxA/s1600-h/Nour+Ayman+Nour.bmp

http://www.youtube.com/watch?v=NqNwMI4RZb8&feature=player_embedded

http://egyptianchronicles.blogspot.com/2010/04/long-day-sad-day.html?utm_source=feedburner&utm_medium=feed&utm_campaign=Feed%3A+EgyptianChronicles+%28Egyptian+chronicles%29

Vote for Samla Aldaly... our next coming president

المرة دى مش هاغُم( من الغم والهم)حد

من كام يوم كدة لقيت مروان يونس عمل بوست لفيديو عنوانه مصر هى أمى، فقلت أبص عليه وماله ما أنا قاعد فاضى(بعد ما خدت ماجستيرين وسقطت فى الدكتوراة مرتين.... بلا نيلة) المهم لقيت الفيديو جامد جداً فيه بنت من القلة المندسة المهتمة ببلدها بتطرح مشاكل مصر فى قالب كوميدى ( علشان ماحدش يقوللى قرفتنا) وليها قناة اليوتيوب

http://www.youtube.com/user/salmaeldaly

أقترح أنكم تتابعوها وبالذات الفيديو

أنتخبو سلمى الدالى لرئاسة الجمهورية...سلمى الدالى رمز البطة

ملحوظة واضحة وصريحة دى أول مرة وأخر مرة أكتب عن حاجة تفرح الناس أنا شعارى فى الحياة:”كُن خنيقاً ..تضحك لك الدنيا"

Urgent to minister Sameh Fahmy(update)

عاجل للسيد وزير البترول

(تحديث)

جالى أكتر من تعليق أن مشكلة أنابيب التوجاز أن ده غاز البيوتان وده مش عندنا منه كتير وعندنا منه نقص حقيقى فعلشان كدة بنستورد من الجزائر، أما الغاز اللى بنصدره فهو غاز الميثان وعندنا منه كتير.
كل ده كلام صحيح وأنا مش معترض ،بس خلونا نحسبها مع بعض واحدة واحدة:
1-الحكومة بتصدر الغاز الطبيعى( الميثان) بأرخص سعر
2-الحكومة بتستورد غاز البوتاجاز(البيوتان) من برة بالسعر الغالى
3- طب ليه الحكومة ماتوسعتش فى توصيل الغاز الطبيعى (الميثان)اللى عندنا منه كتير لكل بيت....؟؟؟ مش كان زماننا خلصنا من القصة دى...؟؟؟؟
4- طب بيقولوا بنوصل الغاز وبنعمل...ونسوى ، طب ليه ماشيين بسرعة السحلفاة...؟؟؟؟؟
5- طب بيقولوا ماشيين ببطء علشان ماعندناش فلوس...!!!!ا، ميزانية مصر عندنا وفيها كمية فلوس بتتصرف تحت بند"أخرى" ولا تعرف أخرى دى مين ولا فلوسنا بتروح لها كتير ليه
6-طب ماينفعش ياخدوا من ستنا "أخرى" دى الفلوس فى سنة ويوصلوه لكل البيوت وكان الموضوع ده أتحل وخلصنا..؟؟؟؟
7-طب إذا كان عندنا الغاز الطبيعى كتير ، ليه مصانع كتير الحكومة "بتمنع" عنها الغاز الطبيعى ؟؟؟؟؟؟

Urgent; to the minister Sameh Fahmy

عاجل للسيد وزير البترول

فى صحف بتقول إن مصر بتستورد غاز من الجزائر

مصدر حكومي جزائري: لم نوقف تصدير الغاز لمصر

وأن الجزائر أوقفت تصدير الغاز

السعودية تتوسط لإعادة تصدير الغاز الجزائري إلى مصر

هو يا معالى الوزير مصر بتصدر البترول ولّا بتستورده...؟؟؟، و البترول اللى بنصدره ﻷسبانيا وأسرائيل بنصدره إزاى.....؟؟؟؟؟ وليه بنصدر ﻷسبانيا واسرائيل بالرخيص وبنستورد من الجزائر بالغالى...؟؟؟؟وياترى ده له علاقة بمشاكل البوتاجاز...؟؟؟

معركة بالأسلحة النارية بسبب أزمة الغاز بالغربية

بعد تفاقم الأزمة.. مستودعات أنابيب البوتاجاز تتحول إلى ساحات للشجار بالسلاح الأبيض

ممكن معاليك تتكرم بالرد ...؟؟؟؟؟