أدى الحكومة اللى بتذلنا كأنها بتحسن علينا من جيبها الخاص
خد ياعم ادى عينة من نتائج لجنة تقصى الحقائق بخصوص العبارة. يعنى هى الحكومة قاعدة على قلوبنا بتعمل ايه بالضبط ؟؟؟؟فالحين بس كل شوية يقولك الإنجازات والمشروعات ....!!!؛ هنعمل كام الف مصنع فى الخطة الخمسية القادمة هنعمل عمايل ونسوى الهوايل بكرة الدنيا هتبقى بمبى ....!!! طب أدى الحكومة خلت الاسعار الضعف فى يوم وليلة والغلاء واكل الناس كلها وهو ده سبب أن الاضرابات اللى شغالة على ودنه (الناس الغلابة مش عارفة تعيش ماعدش فى مكان علشان يتراجعوا ؛ الحكومة لزقتهم فى الحيط خلاص) وليل نهار يذلوا ابدان الناس( فى الاعلان السمج بتاع الضرايب) ب 20 مليار عُمى صرفوهم على البنية الاساسية وفى النهاية النتيجة صفر بل اسوء من الصفر كمان(خصوصاً لما يطلع أن الحكومة ضيعت 13 مليار جنيه ) ويطلع فى نهاية قصة العبارة أن أجهزة الجيش لما بلغت الاجهزة المعنية ؛الأجهزة المعنية معملتش حاجة و كمان بتقول لاء ما وصلنيش حاجة....!!!!!!
هيقولوا فى اوربا والول المتقدمة فى فساد و... و... مش إحنا بس . و لكن اسمحوا لى فى أوربا والدول المتقدمة لو فى واحد بس غرق بسبب الاهمال الدنيا بتقوم ومتقعدش ؛ ولو فى عسكرى من جنودهم قُتل اسيراً الدنيا بتقوم ومتقعدش. بلاش اوربا والدول المتقدمة بص يا عم عندك فى الشرق الاوسط دولة اسرائيل بص ياسيدى عملوا ايه علشان بنى ادم واحد بس (أسير ولسه عايش!!!)؛ بص واتحسر على الريادة وعلى قدماء المصريين وعلى اى حاجة تيجى فى ذهنك
التتسريبات المنشورة فى جريدة المصرى اليوم عن تقرير لجنة تقصى الحقائق
(هو ليه كل ما بكتب عنوان بالانجليزى بيتغير للغة الغريبة دى؛ يللا مش مشكلة)
وبص اهوه كمان على الحتة دى من برنامج 90 دقيقة(يذاع على قناة المحور):
الملف جزئين
Movie_0001.wmv
Free file hosting from File Den
Movie_0002.wmv
Free file hosting from File Den
No comments:
Post a Comment