Urgent to minister Sameh Fahmy(update)

عاجل للسيد وزير البترول

(تحديث)

جالى أكتر من تعليق أن مشكلة أنابيب التوجاز أن ده غاز البيوتان وده مش عندنا منه كتير وعندنا منه نقص حقيقى فعلشان كدة بنستورد من الجزائر، أما الغاز اللى بنصدره فهو غاز الميثان وعندنا منه كتير.
كل ده كلام صحيح وأنا مش معترض ،بس خلونا نحسبها مع بعض واحدة واحدة:
1-الحكومة بتصدر الغاز الطبيعى( الميثان) بأرخص سعر
2-الحكومة بتستورد غاز البوتاجاز(البيوتان) من برة بالسعر الغالى
3- طب ليه الحكومة ماتوسعتش فى توصيل الغاز الطبيعى (الميثان)اللى عندنا منه كتير لكل بيت....؟؟؟ مش كان زماننا خلصنا من القصة دى...؟؟؟؟
4- طب بيقولوا بنوصل الغاز وبنعمل...ونسوى ، طب ليه ماشيين بسرعة السحلفاة...؟؟؟؟؟
5- طب بيقولوا ماشيين ببطء علشان ماعندناش فلوس...!!!!ا، ميزانية مصر عندنا وفيها كمية فلوس بتتصرف تحت بند"أخرى" ولا تعرف أخرى دى مين ولا فلوسنا بتروح لها كتير ليه
6-طب ماينفعش ياخدوا من ستنا "أخرى" دى الفلوس فى سنة ويوصلوه لكل البيوت وكان الموضوع ده أتحل وخلصنا..؟؟؟؟
7-طب إذا كان عندنا الغاز الطبيعى كتير ، ليه مصانع كتير الحكومة "بتمنع" عنها الغاز الطبيعى ؟؟؟؟؟؟

Urgent; to the minister Sameh Fahmy

عاجل للسيد وزير البترول

فى صحف بتقول إن مصر بتستورد غاز من الجزائر

مصدر حكومي جزائري: لم نوقف تصدير الغاز لمصر

وأن الجزائر أوقفت تصدير الغاز

السعودية تتوسط لإعادة تصدير الغاز الجزائري إلى مصر

هو يا معالى الوزير مصر بتصدر البترول ولّا بتستورده...؟؟؟، و البترول اللى بنصدره ﻷسبانيا وأسرائيل بنصدره إزاى.....؟؟؟؟؟ وليه بنصدر ﻷسبانيا واسرائيل بالرخيص وبنستورد من الجزائر بالغالى...؟؟؟؟وياترى ده له علاقة بمشاكل البوتاجاز...؟؟؟

معركة بالأسلحة النارية بسبب أزمة الغاز بالغربية

بعد تفاقم الأزمة.. مستودعات أنابيب البوتاجاز تتحول إلى ساحات للشجار بالسلاح الأبيض

ممكن معاليك تتكرم بالرد ...؟؟؟؟؟

Has anyone got a change for 5 million pounds

5 مليون جنيه لله يا ولاد الحلال

الرد على المسؤلين اللى طلعوا فى العاشرة مساءً

فى كلام أن مصر هتستورد غاز طبيعى.....؟؟؟!!!!! والسادة المسؤلين طلعوا الليلة دى فى برنامج العاشرة مساء وبيقولوا أن كله كويس وإن إحنا هنبقى مركز تجارى بس بتستورد الاول (بالغالى) وبعدين نبقى ندور على حد عبيط نصدره " أغلى" ونكسب...!!!

وأن أزمة البوتاجاز مفتعلة(زيها زى ازمة العيش وقطر العياط ...دايماً الناس هم اللى غلطانين) وأن فيه"لوبى" بيسعى لعمل حاجات وِحشة و أيايا

أيوة يا سادة إحنا لوبى ...وكخة... وكخة الكخخ كمان وبنعمل كل مافى وسعنا للحفاظ على مصالح مصر ، واللى عاجبه......

ياسادة ؛القصة بالمختصر كدة" خيار بستة و بستة خيار”...، بلاش وَش وكلام كبير ووجع دماغ .الاخوة المسؤلين الافاضل أدوا فلوسنا لإسرائيل

http://o2a.blogspot.com/2008/06/keep-our-gas-3.html

(إسرائيل قامت بتخفيض أسعار الكهرباء فى 2008 بسبب الغاز الرخيص بتاعنا) وإحنا قاعدين نغنى ظلموه

«نقص الغاز» يهدد مصانع الصعيد بالإغلاق وضياع استثمارات بـ2 مليار جنيه

http://www.youm7.com/News.asp?NewsID=159931&

وأدينا بندفع ضرايب ..أشى عقارية وأشى مفترية وأشى بنت جنية

و مع إحترامى للإسماعيلى

وزير البترول يدعم الإسماعيلى بـ5 ملايين جنيه

http://www.youm7.com/News.asp?NewsID=185829

وفى الاخر الاخ المحترم طلع فى برنامج العاشرة مساء بيقول أن الصفقة مع إسرائيل جابت أكبر عائد لمصر. جرى أيه يأستاذ..؟؟؟، فى أيه يا محترم....؟؟؟؟ ما تتكلم كلام كويس كدة وبلاش تخلينا نرد عليك رد شعبى

ملحوظة هامة:

الاخوة المسؤلين مارضيوش يقولوا سعر التصدير لأسبانيا ( بالعربى كدة فى كلام على شركة يونيون فينوسا أنها بتاخد الغاز بسعر 0.75 سنت وهو سعر حاليا حوالى 5دولار وفى واقات سابقة كان حوالى 13 دولار)

وقصة أن فى بنود سرية وشوية الكلام الغريب ده:

الغاز ده بتاعنا ( إحنا عامة الشعب المصرى) والاخوة الافاضل دول بيشتغلوا عندنا ، فماحدش يتنطط كدة ويعمل علينا أسد ويقول سرية...!!! ، سرية دى لو فلوسهم الشخصية

أما عن قصة معاهدة السلام

فالخبير الدستورى د. يحى الجمل رد على الكلام أكتر من مرة وقال أن نص البند بيقول :”يُمكن تصدير البترول" و يُمكن غير "يجب" وكمان حتى لو كان لازم يبقى بأغلى الاسعار علشان نسمم بدنهم مش ندفع إحنا الضرايب وهو الكهرباء تبقى أرخص ليهم

نرجو من الاخوة المسؤلين :” لو سمتحم ما تستهينوش بعقولنا"....كدة عيب