إلى من يهدرون الغاز
لو كنتم نسيتم اللى جرى...
هاتوا الدفاتر تنقرا
النهاردة بفتح الميل فى أمانة الله ، الاقى إيميل من السيد أنور عصمت السادات وكيل مؤسسى الحزب( حزب الإصلاح والتنمية) إلى الأعضاء المؤسسين والاقى أن السادة المسؤلين فى وزراة البترول عايزين يتعاقدوا مع شركة بريتش بتروليم لمدة 20 سنة والشركة هتاخد إنتاج حقل شمال اسكندرية بالكامل وأن مصر هتستورد من الشركة دى الغاز إستيراد داخلى ( المهم أنه هيبقى بالسعر العالمى الغالى)وأننا هنديهم الغاز بتاعنا بأرخص الرخيص ونرجع ناخده تانى منهم بالغالى
اتفاق بين الحكومة وشركة بريطانية يضع مصر فى قائمة مستوردى الغاز للمرة الأولى
واخد بالك أنت أن المسؤلين اللى كانوا عاملين أسود السنة اللى فاتت بيعملوا أيه دلوقتى، هيخلوك تستورد الغاز يا معلم ،وبأذن الله الغاز الطبيعى هيغلى ويتكرر سيناريو أنابيب البوتاجاز
و هنا بقى نسأل السيد مفتى الديار الحزبية السيد أحمد عز هل دعم البنزين للمصريين حرام ودعم شركة بريتيش بتروليم حلال
أحمد عز: دعم البنزين للمصريين حرام
إلى السادة الافاضل اللى بيضيعوا البلد....
إحنا مش هنسكت على ظلمكم وإهداركم لثروات مصر ولو نسيتم أحوالكم كانت أيه أيام حملة الغاز الأولى ممكن نفكركم، يعنى ممكن نفكركم ب إزاى كنتم مرعوبين من جلسة الإستماع أمام لجنة الطاقة فى المجلس الموقر، وإزاى كنتم عايزين الوقت يخلص فى أى جدال و إزاى كان فيه ترتيبات لكدة( أنا مش هاكمل شرح أكتر من كدة وده جدعنة منى )؛ وممكن برضه نفكركم ب إزاى أحوالكم كانت أيام جلسات المحكمة العليا وإزاى البيه المحترم كان بيكلمك(أنا بتكلم عن سيادتك يا أكبر مسؤل فى الموضوع، أيوة سيادتك ياللى ليل نهار واجع دماغنا بإكتشفات الغاز والبترول) مباشرة فى الجلسة وبينقل لحضرتك اللى بيجرى كلمة بكلمة وإزاى حضرتك يا سيادة المسؤل فى أول محاكمة شعبية أستنجدت بالبيه اللى عامل نفسه بيحب مصر والقومية العربية علشان يمنع عقد المحاكمة الشعبية
وإزاى حضرتك فى تانى محاكمة شعبيةإستنجدت بالبيه المحترم ( الملقب بال...... السفنجة) و وعدك إن المحاكمة لن تنعقد ( كفاية عليك كدة ...ولّا تحب أكمل )
ممكن برضه نقول أكتر من كدة وإزاى إضطررتم لرفع الأسعار مرغمين مرتين وإزاى... وإزاى.... وإزاى..... ممكن نعيد ونزيد ونكشف كيف كانت أحوالكم الحقيقية، بس من الواضح أنكم نسيتم أن لمصر أبناء يفدونها بأرواحهم....
عموماً سنظل ندافع عن مصالح مصر وسترون أيها المهدرون
