We are going to stand by him

ساعدوا هذا الرجل

شفت من شوية قصة أبن رجل الاعمال اللى قطع رجل ضابط الشرطة السابق ولى كام تعليق أو تساؤل:

1- هو الاخ أبن كريازى إتخانق مع الضابط ولى الدين صبرى اليوم اللى قبله وكل واحد راح لطريقه (خد بالك من حتة كل واحد راح لطريقه)، منين بقى هو عرف عنوان الضابط وانتظره تانى يوم جنب بيتهم ومشى وراه؟؟؟؟

2- طب فى اليوم بتاع الحادثة التانية؛ لما يجى الاخ أبن كريازى يخبط عربية الضابط بالوصف المرعب ده، "كذا مرة" بعد ما الضابط وقع على الارض والعربية فوقه ، مش كدة يبقى شروع فى قتل برضه ولّا أنا غلطان؟؟؟؟

3- طب دلوقتى مين الشخصيات العامة اللى بتتكلم مرة بالترغيب ومرة" بالترهيب"؟؟ وبالترهيب يعنى هيعملوا ايه فى الراجل أكتر من كدة....؟؟؟

4- هل أصبحت مصر زى كولومبيا، خلاص ما بقاش فيه قانون وبقى فيه بارونات إقتصاد بالفلوس بتعمل أى حاجة؟؟؟؟

5- هل فعلاً "هيطلع حد غلبان كالعادة" يقول أن هو اللى عمل كدة وحق الضابط ده يروح هدر؟؟

على فكرة فى شهود للواقعة التانية

لقد آن الأوان لكى ترجع هيبة القانون فوالله لو تركنا هذه الواقعة تمر مثل ما قبلها لأننا إذا سكتنا ستنحدر مصر إلى أسوء مما نتخيل(أيوة فى حاجة أسوء من اللى إحنا فيه دلوقتى )