عَودٌ على بدء
بعد فترة بيات صيفى "مؤقت" (بسبب الأعمال الإدارية التأسيسية) نعود لسابق عهدنا فى الدفاع عن مصالح مصر وحمايتها من سوء أداء الإدارة الحاكمة، فنعود اليوم من أجل إنقاذ مصر من خطر الموت عطشاً...!!!!، حيث أننا قد أطقلنا منذ عدة سنوات حملة مياهنا حياتنا التى تهدف إلى حمايةحصة مصر من مياه النيل.قد أطلقنا هذه الحملة ﻷننا كنا توقعنا ما يحدث فى المصر الآن وقد أطلقنا الحملة وجذبنا الأضواء اليها لكن كالعادة المسؤلين فى مصر أستهانوا بما نقول والنتيجة هى ما وصلنا إليه الآن. الوضع الحالى هو تصريحات جوفاء من المسؤلين بدون إتخاذ اى خطوات جادة و كالعادة تفاقم الوضع و أضطر رئيس الجمهورية للتدخل …!!!.
طب ماهو برضه فى سؤال واجعنى لما تكون كل مصيبة تكبر.. تكبر.. تكبر لحد ما رئيس الجمهورية يتدخل أمال المسؤلين اللى معاهم الملف دول لازمتهم أيه، يعنى مشكلة النيل لما تتفحل رئيس الجمهورية يتدخل،أزمة جزيرة آمون برضه رئيس الجمهورية يتدخل، المرور لما أختنق فى القاهرة رئيس الجمهورية أتدخل،جرى ايه يا أخواننا هو البلد مافيش مسؤل غير رئيس الجمهورية....؟؟؟ولو مافيش مسؤل غير رئيس الجمهورية يبقى أيه لازمة الاخوة المسؤلين اللى تحت ايده....؟؟؟.
ما علينا... خلونا فى المهم دلوقتى أزمة مياه النيل على اشد مايمكن وخلاص دول النيل هترتب وحصتنا من المية هتنخفض و ورمضان جاى فى الصيف ، يعنى بأذن الله كدة هنلاقى نفسنا بنعيد مشاكل المياه فى المحافظات (كالعادة) والناس تطلع تشرب من الترع والمصارف علشان مش لاقيين المية …!!!! ولسه كمان لما إتفاقيات النيل الجديدة تدخل حيز التنفيذ ..حقيقى حقيقى هنعطش.....
الموقع الحالى لحملة مياهنا حياتنا
تعالى شاركنا...محتاجين مساعدتك...مصر بتموت من العطش
No comments:
Post a Comment