O2A: I don't know what to say

مش عارف اقول ايه

بصراحة مش عارف اقول ايه ولا اكتب ايه . انا كمان بأعتذر عن محتوى هذه التدوينة وهى أيضا للكبار فقط بس القصة تعدت الفضائح ووصلت إلى إزدراء الاديان..!!!!.تابعت منذ فترة قصة السيد عضو مجلس الشعب حيدر بغدادى وحكاية اكياس الدم وبعدها حكاية المعبد اليهودى.؛ثم جاءت بعد ذلك قصة ال" سى دى" الذى نشر فى مجلس الشعب. والآن السيد العضو فى عدد جريدة صوت الامة رقم 334 صفحة 5 يقول انه يمتلك سى دى لأحد خصومة فى وضع شاذ جنسياً مع احد الرجال ،بس مش عايز ينشره...!!!!!!.

الصراحة لأنى بنى آدم من اكلى الفول ( و كمان شوية هاكل برسيم كمان بسبب أرتفاع الاسعار، مع اعتذارى للأخوة البهائم ، بس ده لأنة مش لاقى اكل) فانا مفهمتش الراجل قصده ايه:

1- هل السيد العضو يقصد:

ا-يعنى السيد عضو مجلس الشعب عنده "سى دى" فيه حد من خصومه بيشم صوابع رجل التانى.أو ال" سى دى" فيه الناس دول عندهم مخرج البراز موجود فى الامام ومخرج البول فى الخلف.

ب- ولا السيد العضو هيرجع يقول ده اصل السى دى ده مضروب و انا اختلط علىّ الامر(زى ما أنا فهمت منه فى قصة المعبد لما قال ان فيه غلط فى الارقام). أو هل السيد العضو مع احترامى الشديد له هيرجع يقول ده الحديث ده متركب ؛ يعنى حد انتحل شخصيته وصوته وراح عمل لقاء مع المحرر.

يعنى بوضوح اكتر هل السيد النائب هيتراجع عن كلامه وفى هذ الحالة يبقى السؤال :هو الاخوة الناخبين فى الجمالية انتخبوه بناء على ايه بالضبط.....؟؟؟؟!!!! .ده السيد العضو كل شوية يطرح قضية وبعد كدة يطلع عنده خطأ فى الارقام ولا ماعرفش فى ايه...؟؟؟؟!!!!!!!!!

2- أو أن السيد العضو حيدر بغدادى لديه فعلاً "سى دى" به أحد خصومه يمارس الشذوذ الجنسى بمعناه المعروف...!!!!

وفى هذه الحالة:

أ‌- الشذوذ الجنسى حرام فى الشريعة الاسلامية ويعاقب فاعله

ب‌- وحسب معلوماتى الضعيفة هو حرام فى المسيحية ايضاً ولاتقره الكنيسة.وبالذات الكنائس المصرية

ت‌- توجد فى مصر قضايا فيها حالات شذوذ جنسى( ولاداعى لذكرها) وتمت محاكمة الشواذ بتهمة أزدراء الاديان. وهنا نأتى إلى بيت القصيد ؛بمعنى أنه أذا كان الشذوذ فى مصر يعاقب فاعله والديانات السماوية تجرمه فكيف يسكت السيد العضو المحترم على ذلك.بمعنى أخر أنه إذا كان هذا الخصم قد استفحلت قصته فى الاماكن العامة لدرجةأنه تم تصويره فكيف يسكت السيد عضو مجلس الشعب عن هذا.الا يعد ذلك نوع من التستر على جريمة .وهل معنى ذلك أننى إذا رأيت سى دى فيه جريمة قتل يرتكبها أحد من خصومى أسكت عليه وأشيل ال" سى دى" لوقت زنقة أقتداء بالسيد العضو.....؟؟؟؟؟!!!!!!.

ث‌- الا يعد التستر على جريمة نوع من المشاركة فيها....؟؟؟؟!!!!

أيضا يوجد سؤال هام :هل سيحاكم السيد النائب بتهمة التستر على جريمة أزدراء الاديان..؟؟؟!!!

وقد حوكم احد المدونين بتهمة أزدراء الاديان بسبب كلام قد كتبه على الانترنت.

كما حوسب السيد العضو طلعت السادات بتهمة أزدراء المؤسسة العسكرية وتم سجنه. يعنى بالعربى كدة الحصانة لم تحمى السيد العضو من المحاكمة بتهمة أزدراء المؤسسة العسكرية....!!!

هل ستحمى الحصانة من المحاكمة بتهمة أزدراء الاديان او التستر على جريمة أزدراء الاديان،مع انها لا تحمى من المحاكمة بتهمة إزدراء المؤسسة العسكرية...؟؟؟!!!

أود أن أذكر أن محاكمة السيد العضو طلعت السادات تمت باقصى سرعة بعد ظهوره فى احد البرامج على أحدى القنوات الفضائية.وقد مضى ما يقرب من أسبوع على كلام السيد العضو حيدر بغدادى والدنيا ولا كأن الراجل قال أى شىء.....!!!!!!!!!!.

فى النهاية اقدم احترامى لكل من فى مجلس الشعب و دول اجزاء من الصفحة: