Friday, January 25, 2008

Please read "carefully"

أرجوك ماتزلعش منى

أرجوك ماتزلعش منى ولا تقول علىّ خاين و...و... و.... و بكره الفلسطينيين وماعنديش عروبة ولا إنتماء ، من فضلك أقرا الكلام وأعقله وبعدها نتكلم

بص معايا وركز فى الكلام اللى جاى:

دلوقتى حصلت مشكلة غزة و...و.. و.... أنت عارف القصة ، طب ركز كدة على حكاية أن مصر فتحت الابواب أو سابت الفلسطينين يدخلوا ....!!!!

وركز معايا أن دلوقتى كمان إسرائيل بتقول أنها مالهاش دعوة بقطاع غزة وغير مسؤلة عنه......!!!!!( كان مكتوب معنى الكلام ده فى الشريط الإعلانى على قناة الجزيرة)

طب إرجع بذاكرتك كدة من حوالى 5-6 شهور لما هيكل طلع فى قناة الجزيرة وقال ما معناه :"أن جورج بوش فى نهاية ولايته لم يحقق شىء وأنه سيقوم بتصفية القضية الفلسطينية قبل نهاية ولايته ليحقق شيئاً من المجد أو الدعاية لإدارة حكمه وأن من ضمن التسويات أن تٌوضع غزة تحت الإدارة المصرية كما أنه سيُعطى للفلسطينيين جزء من سيناء حيث أن غزة غير قادرة على إستيعاب الكثافة السكانية للفلسطينيين.....!!!!! "

كالعادة أنا مش هكمل الكلام الى قاله بسبب إن مصر فيها حرية رأى

طب بذمتك كدة مش ده اللى عمله جورج بوش فى جولته الاخيرة وكمان كان فيه كلام عن قيام دولة يهودية وخد بالك أن الكلام كان عن قيام دولة يهودية ( أمال إزاى أوربا و أمريكا طالعين بفكرة فصل الدين عن الدولة ......؟؟؟؟؟؟!!!!!!)

وبعدين ركز معايا أن مصر ماعملتش حاجة نهائى لمساعدة الفلسطينيين ( مع أن فيهم أولمرت صديق .....) و خد بالك معايا من اللى منشور على موقع العربية:

مجلس حقوق الإنسان بالأمم المتحدة يعتبر الحصار "جريمة حرب"

نصف سكان غزة عبروا لمصر ومطالبة إسرائيلية بقطع الصلة بالقطاع

طب بص على الجزء ده من الحلقة التى سُجلت فى اوائل شهر 12 سنة 2007

(أنا قسمته 4 ملفات كل ملف 1 ميجا تقريباً)

1- الجزء الأول

2- الجزء الثانى

3- الجزء الثالث

4- الجزء الرابع

وفكر معايا :" هو مش غريب شوية أن كلام هيكل يبتدى يتحقق طب هل معنى كدة ان مخاوفه من أن يتم إعطاء سيناء أو جزء من سيناء ستتحقق؛وإذا تحققت هذه المخاوف وتم التنازل عن جزء من أرض (سواء بصورة واضحة أو بصورة خفية تحت إدعاء بأن مصر الأخت الكبرى للعرب وملاذ المستضعفين وشوية الكلام اللى لا بيوَدى ولا بيجيب ) ماهو المكسب الذى سيكسبه من تنازل عن جزء من أرض مصر وهل نحن كمصريين دافعنا عن أرضنا بدمائنا سنوافق على التنازل عن شبر من أرض مصر حتى يتحقق لأحدهم مراده.....!!!!!!!!!!!!!!!

فمع إحترامى لكل العرب و.. و.. وحبى للفلسطينيين والعروبة والذى منه؛

أرض مصر ليست للتنازل عنها تحت أى ظرف من الظروف

4 comments:

mariam said...

طبعا كلم مش يزعل بالعكس
تقريبا انا رأيى كده بالظبط
المعبر يتفتح علشان اللى عايز حاجه يجيبها
اكتر من كده لأ
بعد ما سينا رجعت بدمنا نسيبها تانى
احنا طلعنا اليهود علشان ندخل الفلسطينيين
مش عايزه فعل حد يقول انتوا هتقارنوا الأسرائيليين بالفلسطينيين و دول اهلنل و كلم اللى مالوش لزمه ده
ارض مصر مصريه و للمصريين

O2A said...

والله ومين سمعك، ربنا يستر لأن الفصة شكلها غير مريح إطلاقاً ...إسرائيل على كل الاوجه كاسبانة من الموقف كاسبانة

Anonymous said...

لما هيكل طرح القضية طرحها باعتبارها خطة صهيونية للتوطين والقضية الكلام عنها مش جديد وما حدش قال ان الفلسطينيين عايزين شبر من سينا بس اللى بيحصل هو تضييق الحصار عليهم واستغلال ضعف النظام المصرى واشراكة فى الحصار للوقيعة بين المصريين واشقائهم عشان يتحقق اللى احنا بنناقشة حاليا وهو الخوف من الفلسطينيين وتوجيه العداء لهم مش لاسرائيل خلوا بالكم الحكاية مش لعبة وما تخلوش حد يسرح بيكم

O2A said...

كلام عظيم بس أسمعت إذ ناديت حىً ،إحنا محتاجين نتجمع كلنا ونوَعى بعضنا علشان ماحدش يعتمد على سرعة نسيان العرب