مصر بلد العجائب
مصر هى بلد العحائب فعلاً فهى البلد الوحيد اللى بيمر فيه أطول نهر فى العلم والناس على ضفافه مش لاقيين مية والقصة وصلت لصلاة الإستسقاء..!!!!
مصر هى البلد الوحيد اللى يُقتل أسراها والقاتل يعترف ( وخد بالك أن فيه شهود مصريين بيأكدوا الاعترافات دى) ومتعملش حاجة وشوية نقول عايزين أدلة(موجودة وموثقة) وشوية نقول مصر لسه ماقفلتش ملف اسراها المذبوحين
مصر هلى البلد الوحيد اللى يُقتل سفيرها والموضوع يبقى عادى جداً ولا كأن اللى مات ممثل لجمهورية مصر العربية؛ ولّا الوفد بتاعها يتم إطلاق النار عليه والموضوع برضه يمر عادى
بس قاعدين نقول مصر أكبر دولة
اكبر دولة فى أيه بالضبط فى تلقى الضربات والسكوت عنها
مصر هى الدولة اللى لما بنت صغيرة تموت من عملية ختان بتقلب الدنيا(انا ضد الختان تماماً)
لجنة قومية عليا و9 ملايين جنيه لمناهضة ختان الإناث
تشريع جديد بمجلس الشعب يُجرِّم ختان الإناث
بس عمرك ماتلاقى حد عمل حاجة علشان فيه مواطن مصرى مات من التعذيب؛ والموضوع مش مرة أو هى حاجة فردية
النيابة تحقق في قضية ضرب مواطن حتى الموت
16 قضية تعذيب بأقسام الشرطة في مصر خلال شهر واحد
وبالمناسبة أدى أخر حاجة؛تقرير العاشرة مساء
وادى رد السيد المسؤل
طب الواد مات من التهاب رئوى ولّا صديد..؛ ماشى طب هو أتعذب ولّا لاء ويعنى بوضوح أكثر فى أثلر تعذيب على الولد ولّا لاء...؟؟؟؟؟؟؟0 ومع احترامى الشديد هل من الممكنأن يتم الضغط على الطبيب الشرعى من أجل إخراج تقرير لا يُظهر اثار التعذيب ولّا لاء..؟؟؟؛ والسؤال أيضاً لو الواد مات من صديد على أى حتة فى جسمه ؛ الاخوة فى القسم ماخدوش بالهم من تدهور حالته الصحية عندهم وليه سابوه لحد ماتدهور لحد كدة.....؟؟؟؟؟ وبعدين السيد المسؤل بيقول لاء لازم يكون فى أعلام متوازن...و...و...و...
على العين والراس كلام سيادتك طب ياريت سيادتك ترد على الكلام ده برضه:
اتصال تليفوني كشف جريمة حرق شاب حياً داخل قسم سيوة
النيابة تأمر بالقبض علي الضابط المتهم بقتل مواطن «تلبانة»
رئيس مباحث المنصورة يعذب «نجاراً» حتي الموت ليرغم شقيقه علي تسليم نفسه
النيابة تحقق في قضية ضرب مواطن حتى الموت
16 قضية تعذيب بأقسام الشرطة في مصر خلال شهر واحد
فورين بوليسي: مصر الـ 36 في تصنيف الدول الأكثر فشلاً بالعالم
دول برضه تحيز سيادتك ولّا رأى سيادتك أيه
6 comments:
ابتسم
انت أكيد في مصر
آه والله ومين سمعك...
وكم ذا بمصر من مضحكاتٍ ولكنه ضحك كالبكاء
ok i added my comment on the facebook , but i think it should be here :D
yes , only in egypt there r laws made specially to incriminate a procedure because a child died from improper anesthesia (i'm totally against FGM too) and when a patient throw himself out of a window in a "ta2min se77i" Hospital , nobody moves ,( this is one supposed to among the lucky insured minority)
And to make things even worse lots of crimes are being committed in broad daylight and no one moves a thumb,it looks to me that if we proceed the way things are going to ;it will be the end,and probably it will be a slow horrible one
مصر بلد العجائب جدا
فى لحظه الناس تثور
ثم تخمد ثورتها بسرعة البرق
يعنى حد فاكر دلوقتى موضوع الأسرى
بالنسبه للتعديب
الموضوع ده انتشر بشكل رهيب
كل يوم مصيبه
واحد اتحرق فى سيوه
و واحد اترمى من البلكونه
و واحد مات من التعزيب
كوارث بجد
لازم نلاقى حل لموضوع توغل رجال الئرطه بالشكل ده
الموضوع ده بجد مستفزنى لأقصى حد
ماهو علشان الناس ستكوا على العبارة وعلى ضحايا القطر و على...وعلى...وعلى...أقولك ايه ولّا ايه؛المهم أن زمان كان حد كبير مسنود هو اللى بيبهدل المواطن المصرى دلوقتى الموضوع أتطور بقى كل من هب ودب بيبهدل فى رجل الشارع بلا وازع ولا رادع
Post a Comment