Tuesday, August 07, 2007

The government again and again and again

حكومة مصر والقضاء ....والقدر

هل حكومتنا الموقرة اللى طول الليل و النهار إعلامها بيقول:" قضاء مصر الشامخ ...،لا تعليق على أحكام القضاء...، قضاء مصر بخير ...،أحكام القضاء مقدسة ...،بتحترم القضاة والقضاء...؟؟؟؟!!!!!

طب إذا كانت الحكومة بتحترم القضاء لماذ ضُرب القاضى محمد حمزة ولماذا حتى يومنا هذا لم تتم معاقبة المسؤلين عن ذلك....؟؟؟؟؟؟؟؟؟؟!!!!!!!!!!.

طب نقول أن دى واقعة فردية لا تعبر عن شىء ...، امل ليه السيد وزير العدل رفض سفر القاضى المنزلاوى ، وخد بالك المستشار الدكرورى عمل ايه علشان القاضى المنزلاوى وبعدين خد بالك بقى من رأى السيد وزير العدل فيما فعله المستشار الدكرورى . طب إزاى تكون الحكومة بتحترم القضاء و القضاة ووزير العدل فيها بيعمل كدة مع القضاة الذين يصابون بأمراض مميتة وكمان رأيه كده فى الناس اللى بتحاول تساعد القضاة الذين يصابون بأمراض مميتة .

وبعدين أيه حكاية ماسورة" التعذيب على أيدى الشرطة " اللى أتكسرت دى....؛ أيه الكم الرهيب ده من الفساد ...؟؟؟؟ إن هولاء الضباط وصمة عار على جبين مصر أين هم من الشهيد تامر عبد الفضيل والشهيد المتناوى وكثير من الشرفاءالمخلصين......؟؟؟؟؟!!!!!

أييييييييه مش مصدق أن فيه تعذيب فى مصر طب أفكرك بحكاية عماد الكبير ولاّ أفكرك بالفيديوهات اللى مالية النت... ولاّ أقولك بص أقرا كدة اللى جاى وقوللى:

اتصال تليفوني كشف جريمة حرق شاب حياً داخل قسم سيوة

رئيس مباحث المنصورة يعذب «نجاراً» حتي الموت ليرغم شقيقه علي تسليم نفسه

النيابة تحقق في قضية ضرب مواطن حتى الموت

16 قضية تعذيب بأقسام الشرطة في مصر خلال شهر واحد

والحمد لله سمعة مصر بقيت عالمية فورين بوليسي: مصر الـ 36 في تصنيف الدول الأكثر فشلاً بالعالم ( يسلام أخيراّ بقى لينا مرتبة على مستوى العالم)

لسة مش مصدق ….طب بص كدة على تغطية برنامج العاشرة مساء (خد بالك كل جزء يطلع له 1.5 ميجا)

جزء أول

جزء تانى

وأدى النتيجة

أهالي تلبانة يهددون بالاعتصام أمام مكتب المحامي العام

ده الكلام ده غير مشاكل سيوة ولاّ مشاكل رفح (بتاعة ميدان الماسورة) وغير مشاكل المية

طب السؤال هو أذا كان المسؤل هيطلع علينا ويقول أن دى حوادث فردية أمال الجماعية تبقى أيه...؟؟؟؟!!!!

وبعدين طب ماهو لو كل شىء تحت السيطرة أمال الكوارث دى بتقى أيه وبالتأكيد ماخفى كان أعظم وبالمناسة هو الكلام دة صح...؟؟؟؟

والسؤال الاهم أين هى مصلحة فى مصرفى أن تتكرر أحداث 1977 ولماذاتصر الحكومة على دفع الاحداث الى هذا الطريق......هل هذا هو قدرنا ...؟؟؟!!!!

3 comments:

mariam said...

اخيرا فتحت الكومنت
شوف الحكومه فى مصر شوية موظفين
قرارتهم مش فى ايدهم
ضرب القاضى محمد حمزه كرساله انادى القضاه الشامخ
احنا مش فارق معانا قضاه و لا غيره

التعزيب فى كل مكان دلوقتى
امبارح شفت انهم رموا واحد من البلكونه لأنه قدم شكوى فى امين شرطه

بالنسبه لوزير العد
بيقولوا هيقال
يارب يقال لأنه اسوأ وزير فى تاريخ مصر بعد واحد تانى لا داعى من اسمه
بدل ما نروح فى داهيه

تحياتى

Anonymous said...

هى دى بلدنا وحكومتها المصونة وكويس اننا رتبنا على العالم فى حاجة ده المنتخب معلهاش

O2A said...

عزيزتى مانو أشكرك على متابعتك
و أؤيدك فى كلامك ؛بس يا مانو لازم يبقى فيه نهاية للكلام ده لأن مش معقولة تبقى بلدنا ونعيش عبيد فيها

عزيزتى هند
معاكى حق شر البلية ما يضحك وهى دى الريادة المصرية